Ցանկացած աղանդի սկզբունքն է՝ մարդուն ներքաշել իր մեջ նախքան նա որևէ բան կիմանա իր մասին /մաս I/

աղանդներ, սայենթոլոգիաՍովորաբար, ինձ տրվող առաջին հարցն այսպիսին է. ի՞նչ է տոտալիտար աղանդը և ինչպե՞ս որոշել, թե որ աղանդն է տոտալիտար, իսկ որը՝ ոչ։ … ամենաառաջին չափանիշը խաբեության առկայությունն է հավաքագրման ժամանակ։ Մարդիկ, որոնք փողոցում մոտենում են ձեզ, որպեսզի հրավիրեն իրենց մոտ, խնդրեն գումարային զոհաբերություններ կամ էլ՝ առաջարկեն իրենցից որևէ բան գնել, ճնշող մեծամասնությամբ աղանդների ներկայացուցիչներ են, որոնք երբեք ձեզ չեն հայտնի, թե ինչի համար են պետք փողերը և ինչ կազմակերպություն է ձեզ հրավիրում։ Գրեթե այն ամենը, ինչ նրանք ձեզ կհայտնեն, քիչ թե շատ բացահայտ խաբեություն է…

Կամ էլ, երեկոյան վերադառնալիս, ձեր փոստարկղում հայտնաբերում եք թերթիկ՝ հետևյալ հարցերով. «Ցանկանո՞ւմ եք ճանաչել ձեզ, ծանոթանալ ինքներդ ձեզ հետ», կամ՝ «Դուք մեզ մոտ կարողեք անվճար օքսֆորդյան թեսթ անցնել»։ Այստեղ գործում է աշխարհում ամենավտագավոր՝ սայենթոլոգիան աղանդը։ Եվ այս ամենը խաբեություն է. օքսֆորդյան թեսթը բացարձակապես կապ չունի ոչ Օքսֆորդ քաղաքի, ոչ Օքսֆորդի համալսարանի, ոչ էլ, առհասարակ, հոգեբանության հետ։ Այն կազմել է առևտրային նավաստի, որը երբևիցե չի ստացել հոգեբանական կրթություն։ Այդ թեսթը պարունակում է շատ մանրամասն, ըստ որում՝ խիստ անձնական 200 հարց, և այն լրացնող մարդն իր կյանքի մանրամասները հայտնում է անհայտ անձանց։ Հարցաթերթիկն անանուն չէ, անհրաժեշտ է հայտնել տարբեր տվյալներ, այդ թվում՝ հասցե, հեռախոս, անուն, ազգանուն, տարիք։ Այդ թեսթի արդյունքը, որպես կանոն, հետևյալն է. դուք հաղորդակցման ոլորտում լուրջ պրոբլեմներ ունեք (իսկ ո՞վ չունի այդպիսի պրոբլեմ) և որպեսզի վիճակը շտկվի, անհրաժեշտ է իրենց մոտ մի փոքրիկ դասընթաց անցնել՝ հիմնված համաշխարհային ճանաչման արժանացած գիտական մեթոդի վրա, որը ոչ մի կապ չունի կրոնի հետ։ Եվ այդպես, մարդիկ ընկնում են սայենթոլոգների աղանդ։

Շարունակությունը՝ այստեղ

Աղբյուրը՝ Ալեքսանդր Դվորկին, Տոտոլիտար աղանդներ, Երևան, «Հայաստան», 2001

Կարդացեք նաև Ինչպիսի՞ քայլեր պետք է ձեռնարկել՝ խուսափելու համար աղանդների զոհը դառնալուց