Եհովայի վկաները և նրանց քարոզչության նոր երանգները

Եհովայի վկաներ

Եհովայի վկաները՝ Երևանում քարոզչություն իրականացնելիս:

Ընդամենը երեք օր է անցել ՌԴ-ում «Եհովայի վկաներ» կազմակերպության գործունեությունը կասեցնելու վերաբերյալ որոշման կայացումից: Եվ այսօր արդեն, երեք օր անց, Երևանի կենտրոնական փողոցներում շրջում էին կազմակերպության ռուս գործակալները հայ աղանդավորների հետ՝ ՌԴ-ում արգելված ստենդերը տեղադրելու համար կենտրոնական լավ վայրեր հայթայթելու նպատակով՝ Մաշտոցի պողոտա, Օպերայի տարածք, այգիներ, Աբովյան փողոց, Ծիծեռնակաբերդ:
Continue reading

Advertisements

Եհովայի վկաները և նրանց գործունեությունը Հայաստանում. մաս II

I մասը՝ այստեղ

Եհովայի վկաների վարքային առանձնահատկությունների մասին

11046733_1618323221732086_4533315431369938470_n

Նկարը՝ Anti-Եհովայի վկաներ էջից

Եհովայի վկաները, կրոնական համոզմունքներից ելնելով, հրաժարվում են ալոգենային (ուրիշից վերցված) արյան փոխներարկումից` դա փորձելով հիմնավորել աստվածաշնչյան որոշ կանոններով: Պատմությունը լի է արյան փոխներարկում չկատարելու պատճառով եհովականների ընտանիքում մահվան դեպքերով: Ցավոտ է խնդիրը հատկապես այն ժամանակ, երբ ծնողները չեն թողնում արյան անհրաժեշտ փոխներարկում կատարվի նաև իրենց փոքրիկ զավակի կյանքը փրկելու ժամանակ: Հայտնի են արյան փոխներարկում չկատարելու պատճառով մահվան դեպքեր նաև Հայաստանում: Անդրադառնանք դրանցից «ամենաթարմին»: 

    2013 թ.-ի փետրվարի 17-ին Կարեն Զխկրյանը իր սեփական մեքենայով վրաերթի է ենթարկել երկու քաղաքացու՝ հետիոտններ Թերեզա եւ Նաիրի Ուղուլյաններին, որոնցից Նաիրի Ուղուլյանը ստացել է մարմնական վնասվածքներ, սակայն առողջացել է, իսկ Թերեզա Ուղուլյանը Continue reading

Եհովայի վկաները և նրանց գործունեությունը Հայաստանում. մաս I

12036737_1715870585310682_5734686952773145690_n

Նկարը՝ Anti-Եհովայի վկաներ էջից

Հայաստան աշխարհը անկախություն ձեռք բերելու հետ մեկտեղ անկախություն պարգևեց նաև իր ծոցում քարոզող բազմաթիվ կրոնական կառույցների, որոնք զորանալով նոր խնդիրներ առաջացրին նորանկախ Հայաստանի համար: Արդեն այսօր «չափահաս» Հայաստանում արմատացած են մի շարք կրոնական կառույցներ, որոնք մեծ վտանգ են ներկայացնում պատերազմող երկրի կայունությանը: Մեզ պես փոքր ազգերի ու պետությունների պարագայում ցանկացած աննշան պառակտումն ու հասարակական տարաձայնությունը վճռորոշ պահերին իրենց ընդգծված բացասական դերն են ունենում՝ առաջ բերելով բազում խնդիրներ: ՀՀ-ում գրանցված կրոնական կազմակերպությունների ցանկում է նաև «Հայաստանի Հանրապետությունում Եհովայի վկաների քրիստոնեական կրոնական կազմակերպությունը»: Կառույցի անդամները վարքային շատ տարբերակիչներ ունեն, որոնք ունեն հատուկ ուշադրության կարիք: Սույն վերլուծությունում փորձ կկատարվի ներկայացնել Դիտարանի ընկերության ստեղծման, վարդապետության առանձնահատկությունների ու ՀՀ-ում նրանց գործունեության վերաբերյալ կարճ տեղեկատվություն: Հարկ է նկատել նաև, որ ՀՀ-ում պաշտոնապես գրանցված կրոնական կազմակերպությունները, համաձայն ՀՀ կառավարության կայքում տեղադրված վերջին տվյալների, 66-ն են, սակայն մի շարք հոգևորականներ ու աստվածաբաններ ՀՀ-ում գործող կրոնական կառույցների թիվը տարբեր հաշվարկներով հասցնում են մինչև 200-ի:

Ընդհանուր տեղեկություն և ստեղծման պատմություն

Եհովայի վկաները, որոնք պաշտոնապես կոչվում են Դիտարանի ընկերություն, արևմտյան պաշտամունքների հետևորդների մեջ ամենաեռանդուն գրահրատարակիչներն ու գրատարածիչներն են: Նրանց պաշտոնական կայքում տեղադրված տեղեկության համաձայն՝ նրանք գործում են աշխարհի Continue reading

Եհովայի վկաները, պետությունը, բանակը (մաս 2-րդ)

rutherford-%d5%bc%d5%b8%d6%82%d5%bf%d5%a5%d6%80%d6%86%d5%b8%d6%80%d5%a4

Ջոզեֆ Գրանկլին Ռուտերֆորդը

Սկիզբը՝ այստեղ

1933թ. վերջնականորեն տապալվեցին Ռուտերֆորդի քաղաքական խաղերը, և արգելվեց Եհովայի վկաների գործունեությունը Պրուսիայում հետևյալ մեկնաբանությամբ. «Աստվածաշնչի գիտական ուսումնասիրության անվան տակ Աստվածաշնչի ուսումնասիրողները և նրա հետ փոխկապակցված կազմակերպությունները իրականացնում են պետության և եկեղեցու դեմ ուղղված գործունեություն։ Այս երկու ինստիտուտներն անվանելով Սատանայի գործիք` նրանք խարխլում են ազգային միասնականության հիմքերը…. Նրանց պայքարի ձևերն առանձնանում են հետևորդների վրա ֆանատիկ ազդեցությամբ…. Այդ կազմակերպության ուղղվածությունը խիստ տարբերվում է մեր ներկայիս պետության նպատակներից, նրա մշակութային և բարոյական արժեքներից…. Այդ նպատակով պետք է արգելել կազմակերպության գործունեությունը` քաղաքացիներին և պետությանը պաշտպանելու նպատակով»։

Գրասենյակի փակումից հետո կազմակերպության կոչերը առանցքային փոփոխությունների ենթարկվեցին։ Իրենց հետևորդների կյանքի մասին մտածելու և նրանց պաշտպանելու փոխարեն (օրինակ, թույլ տալով յուրաքանչյուրին որոշում կայացնել Continue reading

ԵՀՈՎԱՅԻ ՎԿԱՆԵՐԸ, ՊԵՏՈՒԹՅՈՒՆԸ, ԲԱՆԱԿԸ (մաս 1-ին)

14797470_1147581158651767_1970089125_nՈրտեղի՞ց են եկել Եհովայի վկաների կողմից զենք չվերցնելու և պետության բանակում չծառայելու մոտեցումները: Ի՞նչ իրադարձություններ են ընկած դրա հիմքում:

Առաջին անգամ այդ հարցը Եհովայի վկաների համար արդիական դարձավ նացիստական Գերմանիայում տեղի ունեցող իրադարձությունների հետ կապված:

Նախնական շրջանում Եհովայի վկաներն իրենց հետևորդներին առաջարկում էին Աստվածաշնչի ուսումնասիրություն` ներկայանալով որպես քրիստոնեական կազմակերպություն։ Սակայն իրականում տարբեր ձեռնարկներով ուսումնասիրվում էին Աստվածաշնչի իրենց մեկնաբանությունները` սեփական, կամայական թարգմանությամբ։ Մասնագետների կարծիքով Եհովայի վկաների Աստվածաշնչում` ուղղադավան թարգմանությունների հետ համեմատած, հաշվառվել են 1200 զգալի դավանաբանական փոփոխություններ։ Քանի որ շատերը հիմնականում տեղյակ չեն այդ փոփոխություններից, Եհովայի վկաների կողմից հղումը Աստվածաշնչին մարդկանց մոտ ներշնչում է Continue reading

ԾԻԾԵՌՆԱԿԱԲԵՐԴԸ ՔԱՐՈԶՉՈՒԹՅԱՆ ՎԱՅՐ ՉԷ

Դիալոգ ՀԿ-ի հայտարարությունը

JehWit photoՄինչ շատերը քնած են իրենց տաքուկ անկողիններում, մինչ անտարբեր մարդիկ զբաղված են իրենց առօրյա հացը վաստակելու կենցաղային մարգինալ առևտուրներով, Եհովայի վկաները արթուն են, ավելին՝ անգամ հորդառատ անձրևի տակ չեն զլանում իրենց ուսմունքը տարածել: Արդեն մի քանի տարի է, ինչ նրանք իրենց ներկայությունն օրնիբուն ապահովում են Ծիծեռնակաբերդում: Իսկ ինչո՞ւ հենց Ծիծեռնակաբերդում: Եկե՛ք մտածենք…

Ծիծեռնակաբերդն այն վայրն է, որտեղ ամեն օր այցելում են առնվազն մի քանի հարյուրներով մարդիկ՝ թե՛ հայ, թե՛ այլազգի: Դիմենք սովորական հոգեբանության օգնությանը. Ծիծեռնակաբերդի անմար կրակի մոտ եղող կամ, առավել ևս, Հայոց ցեղասպանության թանգարան այցելած մարդը, եթե ծայրահեղ սառնասիրտ չէ, ապա նրա հուզականությունը բարձրանում է, նա սկսում է մտածել մարդկային տառապանքի, հոգսերի, մարդկանց միջև ծագած թշնամության, թանգարանի նկարները տեսնելուց հետո՝ նաև երեխաների ու կանանց կրած դաժան, սրտակեղեք տառապանքների մասին և այլն: Այս էմոցիոնալ ծաղկեփունջը հոգում, տխրությունը բարության հետ խառնած՝ թանգարանից դուրս եկած մարդը հիանալի թիրախ է Եհովայի վկաների քարոզչության և «ոսկե նպատակի»՝ հոգեորսության, համար: Տիրապետելով յուրահատուկ հնարքների՝ Եհովայի վկաներն ընտրում են իրենց լսելու պատրաստ ավելի խոցելի մարդկանց, ընդ որում՝ նրանք հատուկ ուշադրություն են դարձնում, որպեսզի մարդիկ լինեն արտաքինից ներկայանալի և որոշակի ինտելեկտ ունեցող, որը կարդում են մարդու դեմքին:

Եհովայի վկա

Այս կինը քարոզում է պատահական անցորդի

Բացի վերը նշվածից, նրանք ընտրում են այն երիտասարդ տղաներին և աղջիկներին, ովքեր Ծիծեռնակաբերդ գալիս են նստարաններին նստելու և առանձին շփվելու համար, կամ էլ, առավել հաճախ՝ միայնակ նստած անձանց, որոնք շատ հարմար խումբ են, որպեսզի Եհովայի վկաները մոտենան նրանց ու քարոզեն: Եվս մեկ անգամ խախտվում է ՀՀ քաղաքացու հանգստի իրավունքը, ևս մեկ անգամ մարդկանց պարտադրվում է կրոնական գրականություն վերցնել (անգամ օտարերկրացիներին, քանի որ գրականությունը բազմալեզու է):

Բազմաթիվ հարցեր են առաջանում. Ծիծեռնակաբերդը, որը սրբավայրի պես է շատերիս համար, ինչո՞ւ է բարձիթողի կերպով ենթակա այդ կրոնական կազմակերպության անօրեն քարոզչությանը: Այստեղ մեկ այլ հարց է ծագում. իսկ ի՞նչ վերաբերմունք ունեն Եհովայի վկաները Եղեռնի զոհերի հանդեպ. գուցե վերջիններիս հիշատակը հարգելը նրանց համար կարևոր հարց չէ, և, ի վերջո, ինչո՞ւ պետք է հանդուրժել Եհովայի վկաների ներկայությունը Ծիծեռնակաբերդում: Ո՞ւմ պետք է դիմի շարքային քաղաքացին՝ իրեն պաշտպանելու Ծիծեռնակաբերդի ճամփին տեղի ունեցող կրոնական պարտադրանքից: Ծիծեռնակաբերդի հուշահամալիրը պետականորեն նախատեսված այլ նշանակություն ունի. այն Հայոց ցեղասպանության զոհերի հիշատակի վայր է: Եհովայի վկաների հավաքատեղիները բոլորին էլ հայտնի են և նրանց ուսմունքին ծանոթանալ ցանկացողը անկասկած հնար կգտնի ծանոթանալու, ՍԱԿԱՅՆ Ո՛Չ ԵՂԵՌՆԻ ԶՈՀԵՐԻ ՀԻՇԱՏԱԿԸ ՀԱՐԳԵԼՈՒ ՎԱՅՐՈՒՄ:

Կարդացեք նաև Ինչպիսի՞ քայլեր պետք է ձեռնարկել՝ խուսափելու համար աղանդների զոհը դառնալուց

Ինչպե՞ս վարվել փողոցում քարոզող Եհովայի վկաներին հանդիպելիս

10978626_796909733718913_2620104808198282230_nՎերջերս շատ են դեպքերը, երբ մարդիկ Եհովայի վկաների հետ զրուցելիս նյարդայնանում են, ագրեսիվ պահվածք են դրսևորում, անգամ ատելության զգացողություն ունենում (ինչը նկատել եմ ոչ միայն Հայաստանում, այլ նաև արտերկրում: Օրինակ կիպրոսցիները շատ բարի և խաղաղ ժողովուրդ են, բայց մի քանի անգամ ականատես եղա, երբ քիչ էր մնում ծեծի ենթարկեին Եհովայի վկաներին գրականություն բաժանելու համար): Ամենևին միտում չունենալով պաշտպանելու որևէ աղանդի դեմ ուղղված ատելության արտահայտությունները, հասկանում եմ նաև, որ որոշ պարագաներում այլ կերպ հնարավոր չի լինում: Երբ մարդը հակամարտության մեջ է մտնում մի կառույցի ներկայացուցիչների հետ, որոնք ակնհայտ խափանում են քո ազգի դարերով վաստակած արժեքները, քո երեխաների արյունով ձեռք բերված խաղաղությունը, հնարավոր չէ պահպանել լիակատար սառնասրտություն: Որովհետև դու ունես անցյալի հիշողություն, ներկայի խնդիրներ և ապագայի տեսլականներ, ունես ներդրում՝ կատարած երկրիդ համար, գիշեր-ցերեկ աշխատում ես, որպեսզի երկիրդ ոտքի կանգնի, իսկ քո առջև կանգնած են մարդիկ, որոնք հրաժարվել են իրենց անցյալից, քանդում են ներկան, հրաժարվում են երկիրը պաշտպանելուց, նստած են տաքուկ գրասենյակներում` ապահովված ամերիկյան հագուստով, սնունդով (ոչ միայն ֆիզիկական, այլ նաև «հոգևոր»), և դատարկ հայացքով նայում են դեպի անհասկանալի «դրախտային» ապագան, որը մեկ աշխարհի վերջ է խոստանում, մեկ էլ անհասկանալի թագավորություն, որի նկարներում պատկերված են բացառապես ամերիկացիներ, աֆրոամերիկացիներ, մեկ-մեկ էլ չինացիներ` հեծանիվների և փայտե ջրաղացների ֆոնի վրա…..Մի կողմից ուրախ եմ, որ այդ թագավորությունում հայեր չեն նախատեսվում, բայց դե մյուս ազգերն էլ են մեղկ….
Եվ այս պարագայում զարմանալ
10450856_796909730385580_4922809234343935034_nի չէ, երբ Եհովայի վկաների հետ սթափ մտքով, վերլուծական խոսքով, օրենքի մեջբերումով, Աստվածաշնչյան խոսքերով խոսելիս փորձում ես երկխոսության մեջ մտնել, իսկ քեզ վարժված «ամերիկյան» ժպիտով պատասխանում են` կրոնի ազատության մասին Սահմանադրության մի կետը մատնանշելով, զոմբիացված ուղեղով իրենց ղեկավարների թեզիսները անգիր արած նմանօրինակ նախադասություններով: Նորմալ մարդը չի կարող չզայրանալ, չնյարդայնանալ, մանավանդ այն պարագայում, երբ հնարավոր է իր բարեկամը, կամ հարազատը նույնպես Եհովայի վկա է, և ցավը խորքից է գալիս:

Արդեն վաղուց ապացուցված փաստ է, որ Եհովայի վկայի հետ բանավեճի մտնելը անհույս գործ է: Փողոցում Եհովայի վկաներ տեսնելիս ամենակարևորն է անտարբեր չլինել ոչ թե իրենց նկատմամբ, այլ իրենց կողմից իրականացվող գործունեության: Գրքերը բաժանելիս վերցրեք, քանի որ այն գոնե վնաս չի հասցնի մեկ ուրիշին: Երբ տեսնում եք քարոզում են որևէ մեկին, մոտեցեք և դիմեք հենց նրան, ում քարոզում են` բացատրելով, որ Եհովայի վկաները աղանդ են և այս պահին նրանց լսելը կարող է վտանգավոր լինել թե՛ իր, և թե՛ ընտանիքի համար: Ստենդներ տեսնելիս օրենքի մեջբերումով պահանջեք այն հավաքել, քանի որ Եհովայի վկաները իրավունք չունեն հանրային քարոզչություն անցկացնելու և հոգևորսությամբ զբաղվելու: Կարող եք այս հարցերում դիմել ոստիկանությանը, երբ խախտվում են ձեր իրավունքները, պահանջեք թաղապետարանից առանց թույլտվության ստենդներ չտեղադրեն, ինչպես նաև կոլեկտիվ կարծիքի ճնշում գործադրել, օրինակ՝ պահանջել դուրս գալ այգուց, որտեղ մարդիկ եկել են հանգստանալու, իսկ նրանց զզվեցնում են գրքերով և հարցերով:

ՀԻՇԵ՛Ք, Եհովայի վկաների ՀԱՄԱՐ ՇԱՏ ԿԱՐԵՎՈՐ Է ԱԶԳԱԲՆԱԿՉՈՒԹՅԱՆ ՄԵՋ ՍՏԵՂԾԵԼ ԻՐԵՆՑ ՆԵՐԿԱՅՈՒԹՅԱՆ ՀԱՆԴԵՊ ԱՆՏԱՐԲԵՐՈՒԹՅԱՆ ԵՎ ԿԵՂԾ ՀԱՆԴՈՒՐԺՈՂԱԿԱՆՈՒԹՅԱՆ ՄԹՆՈԼՈՐՏ, ԻՆՉԸ ԹՈՒՅԼ ԿՏԱ ԳՈՐԾԵԼ ԱՎԵԼԻ ԱԶԱՏ ԵՎ ԱՆՊԱՏԻԺ:

Ալմաստ Մուրադյան

Կարդացե՛ք նաև՝ Ցանկացած աղանդի սկզբունքն է՝ մարդուն ներքաշել իր մեջ նախքան նա որևէ բան կիմանա իր մասին